SEMANA DO LIBRO NA NOSA BIBLIOTECA

Que mellor forma de celebrar o Día do Libro que..., Caendo de cu polo universo, coa escritora Estíbaliz Espinosa!!!

Moitas grazas, Estíbaliz!

e

Moitas grazas aos nenos e nenas de 1º e 2º por eses fermosos debuxos que encheron a biblioteca de estrelas e planetas!!!!

SEMANA DO LIBRO NA NOSA BIBLIOTECA

Que mellor forma de celebrar o Día do Libro que..., Caendo de cu polo universo, coa escritora Estíbaliz Espinosa!!!

Moitas grazas, Estíbaliz!

e

Moitas grazas aos nenos e nenas de 1º e 2º por eses fermosos debuxos que encheron a biblioteca de estrelas e planetas!!!!

VENRES DE CONTO

 

Ola amiguiños e amiguiñas, e xa para despedir a semana, o noso conto do venres! Hoxe un dos nosos favoritos..., O Grúfalo.

Gozade da fin de semana.

Bicos Herculinos!!!!

LIBROS E CINE

 

Ola amiguiñas e amiguiños, hoxe vos deixamos un clásico da literatura, a película basada no conto "Alicia en el país de las maravillas". 

Esperamos que vos guste!

Bicos Herculinos!!!

LIBROS E CINE

 

Ola amiguiños e amiguiñas, seguimos coñecendo libros que logo levaron ao cine? Hoxe imos coñecer a " Gordon y Paddy". Gordon é detective, e tamén un vello sapo con ganas de xubilarse. A súa mellor amiga é unha ratiña chamada Paddy, que é a que vai a sustituir a Gordon como detective cando este se xubile. 

Xuntos terán que resolver o útimo caso de Gordon, o misterio das landras do esquío desparecido. A Herculina e a min encantounos o conto e temos moitas ganas de ver a película. Se a vedes, xa nos contades!

Bicos Herculinosssss!!!!

VENRES DE CONTO

 

Ola amiguiños e amiguiños, non quero despedir a semana sen un conto, que xa sabedes canto nos gusta ler. Aquí vos deixo un dos meus favoritos, Elmer.

Gozade moito da fin de semana!

Bicos Herculinos!!!

LIBROS E CINE

 

Ola amiguiños e amiguiñas, hoxe traio o conto, James y el melocotón gigante. James é un neno que vive cunha tías que son moi moi severas e que lle fan a vida imposible. Pero un día, un extraño personaxe lle agasalla un cornete de boliñas máxicas que fan medrar dun xeito asombroso ao vello pexegueiro do patio, e James, montado nesa inmensa árbore, realiza unha marabillosa viaxe polo mundo enteiro.

Bicos Herculinos!!!!

LIBROS E CINE.

  Ola amiguiños e amiguiñas, perdoade que esta semana pasada non fixen ningunha entrada, pero tiven unha viaxe moi importante para ver unhas amigas que temos en Islandia e como xa sabedes que nese país hai meses con moi pouca luz, pois fomos en marzo que xa teñen once horas de luz. 

Mirade que fermosura a aurora boreal!!!

Pero como xa estamos preto da semana do libro e este curso tamén estamos moi cinematográficos, imos coñecer libros que logo convertéronse en películas.

El bosque de Haquivaqui, é un dos meus contos favoritos e a película gustoume moito. É unha adaptación do conto preferido polos nenos e nenas noruegueses, e trata sobre a vida no bosque, xa entendedes porque me gusta tanto. Coa película fixeron un musical, así que tamén podedes aprender cancións. 

Bicos Herculinos!!!

21 DE MARZO, DÍA DA POESÍA

Ola amiguiños e amiguiñas, e xa para despedir a semana, Herculina e máis eu, escollimos este poema cantado da poeta Gloria Fuertes, La pata mete la pata.

A cantar poesía!

Bicos Herculinos e boas vacacións!!!!

 

21 DE MARZO, DÍA DA POESÍA

Ola amiguiños e amiguiñas, hoxe, como é o Día da Poesía, deixámosvos un vídeo dun poeta que é dos nosos favoritos, Antonio García Teijeiro. 

Escoitade moi ben o que di, porque tamén vós podedes participar!

Veña, a recitar!

Bicos Herculinos!!!!

 

21 DE MARZO, DÍA DA POESÍA

 Ola amiguiños e amiguiñas, estou moi contento porque o xoves é o día da poesía, aínda que para Herculina e para min o é todos os días. Encántanos a poesía! E a vós?

Por iso, esta semana imos dedicala a..... xa sabedes, claro! Á poesía!!!

Aquí vos deixamos uns poemas animados de Gloria Fuertes!

Bicos Herculinos!!!!

VENRES DE CONTO

 Ola amiguiños e amiguiñas, neste venres de conto, Nicomedes o Pelado, da editorial Kalandraka! Por certo, leváchedes algunha vez un gato na cabeza?

Bicos Herculinos e boa fin de semana!

TRABALLANDO NO NOSO PROXECTO. WORK IN PROGRESS.

Ola amiguiños e amiguiñas, pois enviáronme as vosas mestras unhas fotas chulísismas das cousas que estades a facer na escola, e como esta fin de semana choveu moito, entre Herculina e máis eu montamos este vídeo que vos enviamos con todo o noso cariño e esperamos que sexa do voso gusto.

Moitos bicos!

 

CONTOS ANIMADOS

Ola amiguiños e amiguiñas, moito me gustou este conto animado de , Margo e o ovo. No bosque, ás veces escoitamos sons que nos asustan, pero case sempre é por cousas boas, como lle pasou a Margo,

Espero que vos guste!

Bicos Herculinos!!!!

 

UN CONTO PARA O 8M

Ola amiguiños e amiguiñas, hoxe venres 8 de marzo, deixovos aquí o conto de Arturo e Clementina. Que menudo morro ten o Arturo este!!!

Boa fin de semana!

Bicos Herculinos!!!

 

Ola amiguiños e amiguiñas, coñecedes a Pippi Calzaslongas? Pois é unha nena moi divertida á que non lle gusta ser princesa, o seu pelo é de cor cenoria que sempre o leva en dúas trenzas moi tesas, ten moitas pencas, leva un vestido feito con distintas teas, pero non o rematou porque que non lle quedaban máis anacos, os seus zapatos son o dobre ou o triple do tamaño do seu pé, ten un cabalo con lunares e un mono, o Señor Nilson que sempre vai no seu ombreiro.

Pipi é unha nena que vive soa, e que fai cousas incribles como atarse un cepillo de fregar en cada pé e comezar a patinar erguendo ondas ao seu paso!

De Pippi aprenderon moitas nenas que con pantalóns estaban máis cómodas. Ela quería ser forte, capaz, afouta e aventureira. E vaia se o conseguiu!

Espero que vos guste tanto como a min!

Bicos Herculinos!!!

 

 Ola amiguiños e amiguiñas, este venres 8 de marzo, conmemoramos o Día Internacional da Muller. E, aínda que xa sei que vós sabedes que todas as persoas somos iguais, hai algúns lugares no mundo e mulleres que seguen a conquistar os seus dereitos pola igualdade. 

Aquí vos deixamos Herculina e máis eu, un vídeo dunha nena que o explica moi ben, que agora vou planchar xa que nesta casa temos repartidas as tarefas. Como ten que ser!

Bicos Herculinos!!!!

BANDA SONORA DE PELÍCULA

 Ola amiguiños e amiguiñas, aínda que eu non vivo na selva, que vivo nun fermoso bosque, gustei moito da película do Rey León, por iso, para despedir a semana, deixovos unha canción do Rei León 3.

Que teñades unha boa finde!!!

Bicos Herculinossss!!!

CAVA UN TUNEL

ESCENAS DE PELÍCULAS ESCOLLIDAS POR HERCULINO

Ola amiguiños e amiguiñas, víchedes a película LA LEGO, a min gustoume moito. Aqui vos deixo unha das escenas. 

E vós, facedes todo isto pola mañá antes de vir á escola?

Bicos Herculinos!!!

BOS DÍAS

 

CONTOS ANIMADOS

Ola amiguiños e amiguiñas, aquí vos deixo un conto animado co que me rin moito. O neno o pasa moi ben, o pai creo que non tanto!

E vós, fúchedes algunha vez en Kayak?

Bicos Herculinos!!!!