Hoxe temos unha recomendación moi especial. Un dos mellores poetas galegos, Antonio García Teijeiro, ven de recibir o Premio Nacional de Poesía Infantil e Xuvenil, polo seu libro "Poemando o mar".
Desde a nosa biblioteca queremos celebralo cun dos poemas do seu libro e recomendandovos que o leades. Só tedes que pasar pola biblioteca a collelo e despois navegar polo mar a traves dos seus poemas.
Era un meniño algo rao
porque falaba co mar
dende un barco de papel
no que andaba a navegar.
Palabras azul celeste.
Palabras verde esmeralda.
Palabras de maruxía.
Palabras de area branca.
Din que o neno era algo raro
porque falaba co mar,
pero o barco que o levaba
ninguén o viu naufragar
MOITOS PARABÉNS A ANTONIO GARCÍA TEIJEIRO!!!
Ningún comentario:
Publicar un comentario