Benvidos nenas e nenos ao voso  Blog da Biblioteca do colexio !!!

 

Neste blog, que se chama "Rakonto pequeno" poderedes atopar historias, contos, videos, poesías, recomendacións literarias, curiosidades e moitas cousas máis. 

Para que vaiades coñecendo o voso blog, aquí vos deixamos a seguinte información:

 

Os luns: "Contos Cortos". Nesta entrada sempre encontraredes fermosas historias en imáxenes.

 

Os martes: este é un día moi importante, xa que seredes vós os que faredes recomendacións de libros aos vosos compañeiros e compañeiras. Libros que vos gustaron moito cando os lestes ou volos leron.

Que tedes que facer?

Só tedes que dicirlle a vosa titora que queredes recomendar un libro. Logo subimos á biblioteca, vos gravamos en video e o poñemos no blog todos os martes.

Animádevos!!!

 

Os mércores: "Sabedes que?"  Nesta entrada poderedes atopar información sobre curiosidades de animais, plantas, os astros, o corpo humano, etc

Se algún de vós ten unha curiosidade que contar, gostaríanos que a compartades para poñela no noso blog.

 

Os xoves: Este ano imos a traballar nun proxecto todos xuntos no colexio. Titúlase : E ti, que pintas? Falade con vosas mestras elas xa teñen toda a información.

Pero tedes que saber que todas e todos somos artistas!

 

Os venres: este día dedicarémolo á poesía. Cada venres encontraredes un poema no noso blog. Se algún de vós, ou algunha clase anímase a escribir poesía, estaremos encantados de publicala neste lugar, que é de todos nós.

 

Esperamos que vos guste este blog, que é un lugar de encontro para todas e todos.

 

Un bico grande de Draco.

 

PD: SE ALGUÉN NON COÑECE A DRACO PODEDES ATOPALO LENDO COMODAMENTE NO SILLÓN DA BIBLIOTECA.